Stuð á Alþjóðlegum degi vatnsins

Skrifað þann 28 Mar, 2011

Stuð á Alþjóðlegum degi vatnsins

Það var góð stemning í Laugardalslauginni að kvöldi Alþjóðlega vatnsdagsins, 22. mars, þegar hljómsveitin Andabandið tók nokkur lög og Breytendur minntu á hve gott við höfum það á Íslandi að geta buslað í hreinu vatni á meðan margir hafa ekki nóg að drekka.

Minnt var á að næstum einn af hverjum fimm íbúum jarðar, eða um 1,2 milljarðar, búa á svæðum þar sem er raunverulegur vatnsskortur. Þeim sem vildu bæta ástandið var boðið að kaupa vatnsgjafabréf Hjálparstarfs kirkjunnar. Á meðan hljómsveitin lék nokkur lög gengu “innplastaðir” fróðleiksmolar um vatn á milli sundlaugargesta sem þannig fræddust um vaxandi vatnsskort í heiminum.

Við þökkum öllum sem lögðu hönd á plóg í því að láta þetta gerast, gestum sem styrktu vatnsverkefni Hjálparstarfs kirkjunnar og sérstaklega starfsfólki Laugardalslaugar fyrir lipurðina.

Myndband af Andabandinu má sjá hér:

Segðu þína skoðun